هادي فكرة سهلة لتقشير الرمان في اقل من دقيقة كتسهل عليا نعمل العصير باسرع من البرق وبدون بقايا ولا بقع ... الفكرة عطاها لنا شيخي الله يرحمه ويوسع عليه
كل ما احتاج هو ملعقة وسكين واناء والرمان طبعا هههه
اول شيء كنقطع راس الرمانة حتى يبانو حبات الرمان ونفلحها جانبيا فوق القشرات العازلة ونفتحها شوية بحال الوردة 
و نقلبها فوق يدي في اناء واسع ونبقا نضرب عليها بملعقة تكون ثقيلة ولكن غير شوية بشوية حيت مابغيناش تهبط عصير هههه 
هادي هي طريقتي الي كتسهل عليا نجمع كمية كبيرة باش نعمل عصير طازج لكل افراد الاسرة ولو حبينا نقدموه فزليفات بالحبوب ياكلوه بالملعقة ايضا
طريقتي في صنع العصير
كنضيف معاه كاس من الماء حسب الكمية والقليل من السكر و نطحنه في المولينكس مزيان ونصفيه كيجي بالرغوة ونقدمه ما كيشبعوش منه ههه
ولو حبيتو تضيفو شي فاكهة بحال الفريز او التفاح وبالصحة والراحة
0 التعليقات:
إرسال تعليق