مقاديرو كالتالي
250 غ زبدة (من الأحسن ديال العبار تايجي بيها احسن)
2 بيضات
خمارة حمرة
كاس زيت
2 كيسان سكر كلاصي
قشور 2 حامضات محكوكين
الدقيق الفورص اللي يجمعها
الطريقة
تانخدمو الزبدة مع السكر كلاصي 
نضيفو الزيت والبيض وقشور الحامض والخمارة حمرة 
من بعد نضيفو الدقيق الفورص حتى التجمع ومن الأحسن تبقى ماخفيفة ماقاصحة 
بالنسبة للشكل الاول استعملت هاد الطابع 
من بعد مشيت نوجد الحشوة اللي غادي نديرها فبلاصت داك القليب ههههههه
فيها 50 غ كليكوز
50 غ سكر كلاصي
50 غ زبدة ومعلقة ديال العسل
وشوية ديال اللوز محمر ومهرمش أنا كان عندي هدا فيلي استعملتو 
دوبت الزبدة+الكليكوز+السكر+العسل فكاسرول حتى دابو طفيت العافية عليهم وضفت عليهم اللوز 
ومشيت تانعمر القليبات هههههه من بعد مادرت الحلوة فطاوة مفرشة بورق الحلويات 
وهاهي من بعد ماخرجتها من الفرن 
بالنسبة للشكل التاني فبقاتليا العجينة ضفت ليها شوية ديال اللوز والزبيب مقطعين ودرتها حرابل ودخلتها للفريكو قصاحت وجبدتها وقطعتها دوائر ودخلتها للفرن والصور تاتوضح كلشي 
وهاهوما الشكيلات بزوج نتمنى يعجبوكم وتجربوهم راه تايجيو فالمداق رووووعة 
في أمان الله وحفظه
0 التعليقات:
إرسال تعليق