بسم الله نبدا بالمقادير مع الصور
3 البيضات 
100 غرام الزبدة مرخية 
150غرام السكر كلاصي نسيت ماصورتو
2 خمارات 
100 غرام اللوز بايت ليلة فالما بارد 
80 غرام د الزبيب مغسول 
نص كاس د الزيت 
و قشور حامضة محكوكة نسيت ماصورتها حتى هي
و الطحين حتى تجمع شي 750 غرام تقريبا
الطريقة ساهلة
ديما كانبداو بالزبدة و السكر كلاصي حتى تطلق ديك الزبدة بحال لي فالصورة 
ونزيدو البيض وحدة بوحدة وحنا كانخلطو 
ثم نزيدو الزيت
ونزيدو اللوز وزبيب 
و الخمارات و الطحين 
ملي نجمعو العجين نديرو حربال و نذهنو الطاوة و نستفوهم فيها و نذهنو بالبيض 
ندخلو الطاوة للفران غي شوية يشدو راسهم ما يطيبش بزاف باش كايسهال علينا نقطعوه 
ها هو ملي وجدت نسيت ما صورت باقي المراحل ملي خرجتو من الفران قبل ما نقطعو و ملي قطعتو قبل مانحمرو 
بالصحة و الراحة أتمنى يعجبكم
0 التعليقات:
إرسال تعليق