السلام عليكم ورحمة الله وبركاته
ليوم جبت ليكم بسكوي طبقات نتمنى يعجبكم
بالنسبة لمقادير الطبقة الاولى
البسكوي
كاس سكر
كاس دقيق
كاس كوك
ربع كاس زبدة دايبة
ونديرهم في مول كيتحل من الجناب وللي دهنتو مسبقا بالزبدة
نسرحو مزيان ونحاول نضغط عليه بكف ايدنا باش يتجمع في الطياب
وندخلو للفران 10 دقايق فقط يطيب ونخرجوه
وفنفس الوقت نوجد الطبقة 2
مقادير الطبقة 2
حك نستلي
ملعقة كبيرة عسل
ملعقة كبيرة ونص نشا
كاس عنبة لوز مطحون
ندير نستلي والعسل يطيبو فوق عافية متوسطة وغير يبداو يغلاو نقسو عليه البوطة ونحرك 5 دقايق
من بعد نضيف ليهم اللوز والنشاء ونحرك مزيان ونطفي عليه العافية
فهاد الوقت غتكون دازت 10 دقايق على الفران
نخرج المول ونكب الطبقة للي وجدنا فوق الاولى ونرجعه للفران 10 دقايق اخرى فقط
الطبقة 3
90 غرام زبدة
200 غرام شكلاط
ندوبهم في حمام مائي
من بعد نخرج المول من الفران ونخلوه يدفى شوية ونكب عليه الشكلاط للي دوبنا
نخلوه يشد فراسو شوية
ونقطعوه مستطيلات
وهادا شكله النهائي
نتمنى انني نكون قدمت لكم ليوم وصفة في المستوى
وتعجبكم
تحياتي لكل الانيقات
في امان الله مع وصفة جديدة بادن الله
صاحبة الوصفة العضوة اللهم انصرني
رابط الوصفة من منتديات أناقة مغربية
0 التعليقات:
إرسال تعليق