طريقة تحضير حلوة الحصيرة و القرن والفراشة والكورني

Posted by najat morabit On الثلاثاء، 6 أغسطس 2013 0 التعليقات

 

 

 


حياكم الله حبيباتي
صورت لكم حليوات يلاه مصيباهم
الحصيرة و القرن والفراشة والكورني



نحتاجو للعجين
1كلغ دقيق ابيض + 250 غ زبدة +4 معالق كبار سكر كلاصي + ماء زهر
للعقدة ( تبعت الطريقة لي هنا التغيير الوحيد لي درت هو انني حمرت اللوز )
ملون غذائي + ناباج

بريوات وقنينطات باللوز شغل يدياتي


1 كنجمع العجين او نخليه فبلاستيك غذائي 30 دققية عاد كنخدم بيه

الفراشة
كمية من العقدة او نلونها حسب الرغبة ( درت الاخضر)
من بعد كنبسطها او نقطعها دوائر - نفس الشيئ بالنسبة للعجين
من بعد كناخد العجين او نوضع عليه العقدة من بعد العجين
او كنجهعا من الوسط او نزينها بوريدة
او نزلها فلاطة اوندخلها لفرن متوسط الحرارة



بمجرد مكتاخذ لون ذهبي فاتح كنخرجها اوندهنا بالناباج او نرجعها للفرن ( لدقائق باش تتشمع ) اونخر جها اونعاود لها الناباج





الحصيرة
( نفس العجين ونفس العقدة)
1 كنلون العجين باي لون ( انا ختاريت الاصفر)
2 كنبسط العجين بالماكينة ( لي ممتوفراش عندها دير غير الدلاك ) من بعد كندوزها نيت فالماكينة ( باش نخرجها على شكل
اشرطة) لي ممتوفراش عندها تقطعها غير بالسكين لكن الاشرطة يكون رقاق + متساويين
كناخد 4 اشرطة من كل لون اونوضعهم بهاد الشكل لي فالصورة من بعدكنزل العقدة اونبدى نشكل فيها







لي كيبقى ليا من العجين كنقطعو اونثبت في الاسفل بشوية بياض البيض
اونزلها فلاطة اوندخلها للفرن
غير تاخذ لون ذهبي او نخرجها اوندير لها الناباج بنفس الطريقة



الكورني
نفس العجين
الحشوة ( كوكاو محمر + شكلاط اسود)
1 كنبسط العجين اونقطعو الاشرطة متساوية من بعد كنجيب
المقطع ديال الكورني او نلف عليه العجين
من بعدندخلهم للفرن ملي يطيب
نخرجو اونخليه حتى يبرد نزولو من المقطع
اونوجد الحشوة
من بعد كنديرليه شوية شكلاط اسود اونوضعو فوق ور ق الزبدة اوندخلو للثلاجة






حلوة القرن
نفس العجين + نفس العقدة
1 كنلون العجين (درت البرتقالي)
كندير منو اشرطة متساوية
من بعد كنبسط العجين الابيض اونوضع فوقو الاشرطة
كندوز عليه الدلاك غير شوية من بعد كنقطعو ل دوائر
1 كناخدكل دائرة نوضع فيها شوية من العقدة من بعد نلف حولها العجين اونشكلو
بحال القرن كنقشو اونزينو بعقيق الحلويات
اوندخلوللفرن






0 التعليقات:

إرسال تعليق