حلوة الطويسات بالشكلاط و الكراميل
المقادير:
العجينة:
500غ دقيق الفورص الخاص بالحلويات
125غ زبدة مدوبة
2 معالق كبار سكر كلاصي
قبصة ملح
ماء بارد لجمع العجين
الحشوة :
الشكلاط الأسود
قشدة طرية
لوز مقشر و مقلي و مهرمش
كرميل الحليب المركز (نستلي)
للتزيين:
لوز مقلي
شكلاط أبيض
الطريقة:
تحضير العجينة:
نغربل الدقيق و الملح و السكر كلاصي و نزيد الزبدة مدوبة و نخلط مزيان بأطراف الأصابع حتى ندخل الزبدة فالدقيق و نحصل على خليط مرمل نزيد الماء حتى تجمع العجينة و ما تكون لا قاصحة لا مرخوفة بين و بين ...ندلكها مزيان حتى تولي لينة و مطاطية...نكورها و نغطيها ببلاستيك غدائي و نخليها ترتاح.
ندهن الطويسات بالزبدة
نسرح العجينةبسمك رقيق بالدلاك أو بماكينة سباغيتي
نقطعها بمرشم مدور
نعمر الطويسات بهاد الشكل
نثقبهم بالفورشيطة باش ما يتنفخوش فالطياب
و ندخلهم للفران حتى يطيبو و يتدهب لونهم
و هدا الشكل ديالهم
ناخد كاسرونة و ندير فيها 3 معالق كبار قشدة طرية و نديرها فوق النار حتى تغلى.نزيد الشكلاط محكوك و نحيدها من فوق العافية و نخلط حتى يدوب الشكلاط غير بالسخونية القشدة.نزيد على الكناش اللوز مقلي و مهرمش
ناخد الكراميل اللي وجدناه من قبل بعلبة نستلي في طنجرة الضغط لمدة ساعة إلا ربع.نعملو فجيب حلواني باش يسهال علينا نصبوه فالطويسات
و نبدا نعمر الطويسات ديالنا
فالأول نصب معيلقة صغيرة من الكناش بالوز فالقاع
نزيد فوقها شوية الكراميل
عاد نعمر بالكناش
نزينهم باللوز مقلي
و في الأخير نزينهم بالشكلاط أبيض مدوب بهاد الطريقة
و هدا الشكل النهائي
اللهم أدمها نعمة و بارك لنا فيها و احفظها من الزوال
0 التعليقات:
إرسال تعليق